تلكس محمود معروف

منتخب مصر :
** يا سلام!!.. والله ولا في الأحلام.. ما فيكي يا مصر ليلتها حد نام.. إنتوا رجال مفيش كلام!!
حسن شحاتة :
** حسن شحاتة يا معلم.. حتي الأخرس نطق واتكلم!!
جمهور الكاميرون :
** مش "أسود" ولا حاجة.. طلعوا ولا مؤاخذة طلعوا "....." أيوه ستاتهم!!
محمد زيدان :
** لا زين الدين زيدان ولا تيري هنري كمان ولا رونالدو التعبان.. إحنا الفراعنة يا جدعان!!
عماد متعب :
** منتخب السودان فك نحسك في الدورة العربية وسجلت في مرماه أربعة أهداف.. مش عايزين منك بعد بكرة غير هدفين!
حسني عبدربه :
** عبد ربووووه.. عملت إيه في كاميني يا راجل.. شفيق يا راجل.. شفيق بتاع الكاميرون.. اللي كل ما يلعب يتزحلق.. شفيق يا عبد ربوووه اللي أهله معرفوش يربوه!!
أحمد حسن :
** بدونك هزمنا الكاميرون بالأربعة.. المفروض بعد رجوعك نصعد لدور الأربعة!!
سونج كابتن الكاميرون :
** "سونج" معناها بالانجليزية "أغنية" وهي بالفعل كانت أغنية "الوداع" يا كوماسي!!
أحمد سليمان :
** صلي وقول يا كوماسي يا رافعة راسي!!
منتخب الكاميرون :
** اللي ما يعلموش عيسي حياتو.. يربيه حسن شحاتو!!
منتخب السودان :
** مدربكم الكابتن "مازدا" طلع "توك توك"!!
جمهور السودان :
** "الجديان" طلعوا ولا مؤاخذة "معيز"!!
روجي ميلا :
** كان وشك وحش يا ميلا.. ميلت بخت الكاميرون يا نيلا!!
أتوفيستر :
** الله يخرب بيتك نكدت علي جمهور الزمالك.. فكرتهم بالستة!!
سمير زاهر :
** يا رب دايماً.. عصرك زاهر يا سمير!!