تحياتى يا دكتور ياسر فى البدء
أحب ان اعلق على عدة نقاط
أولها ان قناة مودرن على وجه الخصوص قناة حمراء الهوية يديرها جهلة بالاعلام هم مجرد استثماريون وجدوا انهم ممكن ان يتكسبوا من وراء افتتاح قناة رياضية تدر عليهم الملايين من الاعلانات التى تسيطر عليها بالطبع وكالة الاهرام التى اساسا تسيطر على التلفزيون المصرى
القناة يديرها اهلاوى متعصب لا يخجل من اعلان انتمائه ونسبة كبيرة من مقدمى البرامج الاساسين اهلاوية اما الضيوف فهم زملكاوية ممن يريدون اكل العيش
لو الزمالك فاز بجميع كؤوس العالم فسيبقى مستهدفا من الاعلام الاحمر
والنقطة الاخرى هى دور نادى الزمالك نفسه
وهو يتلخص فى عاملين قناته الفضائية التى اصبحت مطلب جماهيرى والادارة تسير بسرعة السلاحف فى اقامتها ولو كانوا هيبنوا الهرم الاكبر كانوا بنوه لكن نقول ايه هم ساكتين واحنا من الاكاذيب دمنا محروق ومنقوطين
ثانيا الموقع الرسمى الذى يديره هواه وشوية عيال هبل
لا استايل ولا امكانات ولا اخبار وهو ايضا يسير وفق سياسى السلاحف فى تكذيب الاخبار الملفقة او الاعلان عنها
تصور انى مش عارفة ادخل الموقع المشؤم واستاق اخبار الزمالك من وسائل مختلفة ليه؟؟؟!! بسلامته الموقع مفيرس وخطير وجوجل ينصح بعدم زيارته ونشرنا المصيبة دى والعالم نيام .. نيام
خليهم نايمين والجماهير تسب وتلعن فى الاعلام والاعلام عايز يتكسب ويشتغل ويبيع ويكسب ومادام شايف ناس نايمة على نفسها ما يشتريش ليهم بطاطين من التلفيقات يتدثروا بها وينحرق دم جماهيرهم ال كل ذنبها انها بتحب الزمالك
فى الاخر احنا حريفة لت وعجن مشيل الان فى الزمالك وعليهم ان يصمتوا لان خلاص تم التعاقد مع الرجل ومشيل واللاعبين وحدهم القادرون على اخراس الجميع
مقال مميز كعادتك يا دكتور وتسلم ايدك وكل عام وانت بخير