مسخرة :الفاسق عايز يخرج مئوية الزمالك والايقاف مصيره بعد أن أشعل فتيل الحرب !

التحكيم المصرى فساد ذمم وضمائر

شاهد محمد فاروق الحكم الملاكى للاهلى يحتسب فاولات وهمية لا يراها سواه ويتغاضى عن ضربات جزاء صحيحة

حمل لقاء ميدو كاملا مع حازم امام على الحياة ( حلقة تستحق المشاهدة )

مبادىء الاهلى وهم وشعاره حقيقية

توفيق السيد يذبح الزمالك فى مباراة الشرطة الشهيرة لتفويت الدورى للاهلى

محمد ابراهيم يسجل هدف عالمى فى مرمى المصرى

@@@@@

مبادىء الاهلى وهم وشعاره حقيقة
مغامرات الزير سالم وحكايات جدو

اضغط لتحميل الفيديو

تطور خيال الانسان ولم يعد يصدق حكايات أمنا الغولة وأبو رجل مسلوخة .نزلت الوقعية بالانسان الى الحضيض. حتى أستنشق الروائح العفنة المنبعثة من نفوس سوداء, لهثت خلف المادة فأعمتها المكاسب الرخيصة الزائلة عن رؤية الحقيقة وراح الضمير فى غيبوبة من اجل عيون السبوبة.
هذا ما أصف به ما يحدث على الساحة الرياضية بمصر فالنكرات صارت معارف .والتراب صار له ثمن .والحقيقية طوتها الاكاذيب وطفحت على السطح حفنة من امثال دعبس وشلبوكة عازف الدربوكة واصحاب نظرية الهرطقة الممنطقة واتهام كل ما هو غير احمر بالكفر والزندقة !
فقد تبوأ المستنسخون من نفايات مقالب الزبالة,مقاليد الحكم الرياضى فى مصر.ولانه لا يوجد من يحاسب . والجميع يستلذ بفيلم الموسم وكل موسم .. عنتر ولبلب
كل عام وبالتوقيت المحلى لمدينة القاهرة .يعاد نفس الفيلم وجماهير الترسو تصفق وتصفر .حالة هبل وعبط وفقدان الغوغاء للرؤية والبصيرة .وانتحار القيم وانتصار للمبادىء المكيافلية فى تناغم تام بين العتة والسذاجة والجماهير تصفق وتصفر لنفس المشهد الذى جرى بلا معزى أو مبدأ والمهم الكل يفرح والخفافيش تسترزق !!
نفس المخرج ونفس المؤلف وفى نفس اللوكشن .ولكن اسم بطل الفيلم يختلف . فيصبح شريف عبد الفضيل وتارة هانى سعيد واخرى الزير سالم أو محمد ناجى العفش أو اسلام الشاطر اسم بطل الرواية يختلف , وهذا حتى يصدق الناس واقعية الراوية ويبقى السياق الدرامى يسير فى اتجاه واحد لا يحيد!!
فنادى المبادىء التى تمتد الى اعماق التاريخ حتى تصل لادريس راغب بك وحتى الان يسير بنفس النهج منذ النشأة المريبة وحتى هذه السنوات الكئيبة.
ويمر السيناريو الذى تعودناه كالاتى :
رئيس الوكالة: ايه المراكز ال محتاجينها اخونا البعدا يدعموا بيها صفوفهم؟
كوهين: الدفاع والهجوم يا باشا.
رئيس الوكالة : متنساش احنا عايزين نفس السيناريو ونفس المشهد .فاهم!.مش عايزين الناس تظن بنا الظنون .عايزين قلم جامد يفوق . يلا خلى دعبوس ال مشغل التيوس وشلوبكة عازف الدربكة والكام جرنلجى ال بيلهفوا المعلوم كل شهر . يخلوا الناس تصدق انهم خلاص على وشك التعاقد واتمام الصفقة خليهم يفرحوا وفى الوقت المناسب يطلع القناصة يخبوا الواد فى الخرابة ويقفل الواد تليفونه ويكتب رسالة انه عايزنا .. مفيش مانع لو سجلت له رسالة وهو بيعيط أو راح المستشفى لو الامور تأزمت نقول انه هيعتزل او ينتحر!!
عايز نغمة حق النادى تختفى دة مش الحضرى فاهم .وتطلع نغمة جديدة فى كل الفضائيات والجرايد نغمة رغبة المحروس ننوس عين امه , مفيش مانع تطلع اغانى زى كون ثورى كون حماسى .. احنا مش عبيد ولا كراسى!!
كوهين : استاذ. بس انا خايف
رئيس الوكالة: فى ايه.. خايف من ايه؟
كوهين: الواد الزيرسالم دة بنوته وعمره بقى تلاتين. انت شايف اربع ملايين مش كتيرعليه وانا ال بشيل الليلة ياريس ؟!!!
قلم يطرقع على قفا كوهين من الحثالة رئيس الوكالة
رئيس الوكالة: وانت مال امك هو احنا هندفع حاجة من جيبنا يا غبى .ربنا يبارك فى الاعلانات والحبشتكتات
عايزين أول ماتش لنا فى الدورى نكون راكبين على نفس الكل.. عايزين نغطى على الازمات والواد ال تعبنا وراح والصقر ال طار
كوهين :طب والعفش يامولاى؟
رئيس الوكالة : ماله يا فكيك .. دة بقى القلم ال هيسمع
يغرق الاثنان فى ضحكة شيطانية
كوهين: قال لك ايه مصلحجى دة طلع واد ابن حنت

رئيس الوكالة : متخافشى يا حبيبى مجلس ادارة الابيض هيفضل ابيض عاملين محترمين ومش هيتحركوا وهيطلعوا يقولوا الواد ما يستهلش اخرهم الفيفا وموت يا حمار على ما يطلع قرار غرامة نكون اخدنا يجى اربع سنين بطولات.. متقلقش الواد مقشة مرتب كل حاجة ومظبط الدنيا ورغبة الواد هتكون الفيصل.. احنا بقالنا 5 شهور بندرس ازاى نخطف العفش
اجرى بس املى دماغ الواد وظبط مع مصلحجى بتاع الاتحاد خليه راجل مش مان

كوهين:بس مصلحجى طالب سبعة ونص مليون ووفوقهم 3 لاعيبة كنا جبناهم بحوالى 6 مليون غير ال هيلهفه الواد ودة كدة كدة هيطلع فى يناير ببلاش يا معلمى .. خايف يقولك اهدار مال عام واحنا مش ناقصين !!

القلم الثانى يطرقع على قفا كوهين ال رجته المفاجأة

رئيس الوكالة: كتير ازاى دى ضربة الموسم .يا كوكو.
الواد دة بقى بطل قومى.وهو القديس الجديد . صاحبك شطب خلاص. كلها شهور ويبقى للذكرى الخالدة. والضربة ضربة معلم والقلم هيعلم سنين !!

كوهين: طب ولو الحلوين رفعوا قضية بصحة العقد وخدوا قرار من المحكمة بصحة انتقال اللاعب لهم ولا حبسوا الواد وملحقناش نعمل محكمة رياضية ساعتها الوضع هيكون ازاى ؟!!!

رئيس الوكالة: انسى يا عمرو .. اتحاد الكباب والكفتة معانا ورئيس لجنة شؤون اللاعبين ولجنة الانضباط فى جيبنا مش بعيد نخلى اللاعب يرفع عليهم قضية لانهم سقوه حاجة اصفرة وخلوه يمضى على العقود والدور على الاعلام يموت الحكاية ويطلع الزمالك غلطان. مش بعيد نجبر الزمالك يعتذر عن التفكير اساسا فى الواد .

كوهين: استاذ

هكذا صار سيناريو انتقال نجوم الرغبة المشبوهة ومن باعوا انفسهم لمن يدفع الثمن ونقضوا عهودهم وارى أن كلا من الزير والعفش ليسا صفقات سوبر ولا حتى بلمونت .. انما هى صفقات للتغطية على فشل الادارة الحمراء ومراضاة الجماهير الثائرة التى تعلم علم اليقين ان الاهلى فاز بالدورى فى السنوات السابقة ليس لانه الاحسن بل كنتيجة لتفريغه الدائم لموهوبى الاندية الاخرى.
ولا تجد قضية او مصيبة على الساحة الا ودخل فيها نادى المبادىء المهترئة فمبادئهم وهم أو ورقة سلوفان غطوا بها سوءاتهم .
الا أن شعارهم وهو النسر ربما يكون هو الحقيقة الوحيدة التى تعبر عن اسلوبهم فى الخطف والقنص والانقضاض على الفريسة وعدم تركها الا جثة هامدة

اخيرا
نجا الزمالك وادارته من صفقة الزير سالم هذا اللاعب ذو الثلاثين عاما محدود المستوى والذى اجد هانى سعيد يتفوق عليه نظرا لخبرته الدولية وفهمه لواجبات مركزه وفالزير سالم فضح نفسه بلا داع . ولم يصدقه جمهوره فى الاسماعلية فكيف نصدقه نحن واحسن ابراهيم يوسف حين قال انه لن يلعب بالزمالك ولو ببلاش . وبذلك يكون سلومة العبيط قد خسر حب جماهير ناديه الاصلى وخسر احترام الزملكاوية واصبح كالكلب يجرى لاهثا خلف عظمة
ولا يدرى ان الخير كان قريبا منه ولانه كلب لم يدرك اين يكون الخير.
أما عن العفش فعلى مجلس اداراة الزمالك ان تظهر لنا أن لها أنياب فتسلك فى سبيل أعلاء كلمة الحق ونصرة المبادىء الحقيقية وليست مبادىء خطف اللاعبين عليها أن ترفع الامر على جميع الاصعدة المحلية والقضائية والدولية ليس لان اللاعب يستحق وأنما لاننا يجب أن نقف مرة واحدة أما طوفان الجبروت والفساد
سأنهى كلامى بنفس ابيات مقالالناس ال فى التالت

الى كل لاعب نكرة ردد المسرحية الرخيصة اياها مخدوش يابابا مخدوش يابابا .. ثم هرب وقفل تليفونه وكتب اقرار برغبته فى الذهاب للجنة الحمراء.. اهداء تلك الابيات

دبانة فاتت على قزازة كولونيا قالت لها ... اف
ايه الريحة الكريهة دى ال عمالة تفوح وتهف
قالت لها الكولونيا , صحيح يا حشرة ياربيبة النفايات
وضيع الاصل عمره ما ينصلح مهما يدور ويلف !!
ronny

yes they r aly baba cave and they proud to be kohin with they holigans supporters

tonynassar كتب:: yes they r aly baba cave and they proud to be kohin with they holigans supporters

واضح أن عشان تدير الان نادى بمصر .لازم تاخد كرس فى فن السرقة والتدليس والعمولات والنصب وغسيل الاموال واللعب على الحبال
وياحبذا لو كنت رد سجون أو رئيس عصابة يابقى 100 فل وعشرة
قانون الغاب هو السائد وسلم لى على اخلاق الفلاسان والاخلاق الرياضية فلا يوجد الان سوى اخلاق ابوتريكة والعفش فيديو : مبادىء الاهلى وهم وشعاره حقيقة " مغامرات الزير سالم وحكايات جدو " 3010

فيديو : مبادىء الاهلى وهم وشعاره حقيقة " مغامرات الزير سالم وحكايات جدو " 3010