مسخرة :الفاسق عايز يخرج مئوية الزمالك والايقاف مصيره بعد أن أشعل فتيل الحرب !

التحكيم المصرى فساد ذمم وضمائر

شاهد محمد فاروق الحكم الملاكى للاهلى يحتسب فاولات وهمية لا يراها سواه ويتغاضى عن ضربات جزاء صحيحة

حمل لقاء ميدو كاملا مع حازم امام على الحياة ( حلقة تستحق المشاهدة )

مبادىء الاهلى وهم وشعاره حقيقية

توفيق السيد يذبح الزمالك فى مباراة الشرطة الشهيرة لتفويت الدورى للاهلى

محمد ابراهيم يسجل هدف عالمى فى مرمى المصرى

@@@@@

ألاستقرار وحصاد الاصفار

صارت تلك الكلمة قرينة للنادي في الآونة الأخيرة, وصارت كابوسا بالنسبة للكثيرين فهذا الاستقرار أصبح مثل العصور على شقة وسط العاصمة بلا مقدم أو خلو أصبحت الكلمة ترادف الاوتوبيا التي تراود الكثيرين أو أحلام اليقظة التي تداعبنا ولا نلامسها
سئمت استخدام هذا المصطلح من كثرة استهلاكه , والعجيب أنك تسمع هذا اللفظ يتردد بلا استثناء على ألسنة جميع أعضاء مجالس إدارة الزمالك وهم بلا استثناء شاركوا في الهبوط بالزمالك لأدنى المستويات والانغماس في وحل النتائج المخزية .

جميع الوجوه العفنة تطل علينا مجددا تردد على مسامعنا كيف يعانى الزمالك من التخبط وعدم الاستقرار .ولا ندرى ألم يكن كل هؤلاء ذات يوم على كرسي العرش بالزمالك يحكمون ويفعلوا ما يشاءون , ورغم ذلك خسر الزمالك .. خسر الزمالك في عهد الرباعي كمال درويش ومرتضى منصور وإسماعيل سليم وممدوح عباس و معهم مرسى عطا لله في الفترة القصيرة التي تولاها ..
ولازالت منشئاته تعانى والفرق والموظفين والعمال والمرتبات ومستحقات اللاعبين.
وخرج من جميع البطولات التي دخلها وتتابعت الهزائم وتدهورت نتائج جميع الفرق
غير الزمالك الكثير من المدربين أبان عهد كمال درويش ومرتضى منصور ومرسى عطا لله وأخيرا ممدوح عباس.

فقد جلب كمال درويش أتوفستر وفنجادا وكابرال رغم الفوز ببطولات !!!؟؟ وغيرت العديد من الأجهزة الفنية مع هؤلاء المدربين فرأينا حلمي طولان الذى خرج مطرودا بلا سبب فى عهد كلا من كمال درويش ومرتضى وأتهم بانه خائن وللاسف نشرت الزملكاوية عنوانا قاسيا تحتفل بخروجه ولا ندرى لم نعتوه بهذا اللقب وكان أشرف قاسم الضحية الاخرى وتوالت الضحايا بعد ذلك وكان محمود سعد هو القاسم المشترك فى جميع المجالس ورغم نجاحاته , تجده ترانزيت ولا أحد يلتفت مرة ويسأل ولم لا نثبت الرجل ما دام قادرا على النجاح ؟؟!!

وفى عصر مرتضى تدهورت النتائج بالدوري وهزم فى كأس مصر, وخرج من بطولة أفريقيا ,وتم أقاله فاروق جعفر بعد أحداث دامية, الذى استمات فى التواجد ورفض الاقالة ليجهز تماما على الزمالك!!

وبعد العديد من الإحداث الدراماتيكية تم حل مجلس الزمالك فى قرار غريب ,ليدخل الزمالك دوامه المشاكل, حيث ما بني على باطل فهو باطل . ليدخل الزمالك فى نفق الشرعية والتعيين ويتم تعين مجلس بقيادة مرسى عطالله وكان ذلك بداية عصر كاجودا واحمد رمزى .. عصر المشاكل وتدهور النتائج والخروج من ثلاث بطولات !!

كانت تبوأ عباس للمنصب من وجهة نظرى سقطة لوزارة الشباب .. فالرجل وان كنا نجمع على زملكاويته وانه محب للنادى وانه من أنجح رجال الإعمال الا أن هذا لا يكفى وأن نادى الزمالك فى حاجة لخبراء الكرة ولا ندرى لماذا أولاد النادي كانوا بمنأى عن اختيار وزارة الشباب ؟؟!!

الكل يعتمد على بالونات ملونة من الهواء يطلقونها بصفقة لاعب أو التفاوض مع أخر ويتركون سوس الإهمال واللامبالاة ينخر في جسد النادي المترهل

ولكن يبدو أن ذاكرة الإفراد صارت ضعيفة كذاكرة الوطن كله فالخطايا تنسى والزلات تغفر
ولا يزال صدى نغمة الاستقرار يتردد!! تردد عبر تلك السنوات الثمانية التي عانى خلالها الزمالك من المشكلات المفتعلة وعدم الخبرة الإدارية لجميع من تولوا إداراته وتدهور نتائجه

فما الجديد لعلو النبرة ؟؟ الجديد هو الانتخابات التي ستهب رياحها فى صيف القاهرة الحار .. فى اخطر مواسم الزمالك وأصعبها
وأكاد أجزم أن الزمالك بيع فداء استقرار مصر وليس استقرار الزمالك
وأكأد اجزم من سيكون رئيس الزمالك القادم ... ولكن السؤال أى كان الرئيس والمجلس والاحداث ,هل يوما سيستنشق الزمالك هواء الاستقرار ؟؟.أم سيحقق ألاستقرار الذى سيحصد به عدة أصفار ؟؟؟!!

مقال رائع و مميز بس ليا تعقيب

و مين قال ان اللى هيجى مش هيكون اسوأ من سابقية ؟؟
مين قال ان لو افترضنا اننا طردنا عباس من الزمالك بلا رجعة ميعملش زى الكومى و يطالب بفلوسه و تكون مشكلة للزمالك ؟؟
و كمان مين قال ان اللى يجيب ميشيل و الدولى عمرو زكى و الدولى وسام و الدولى شيكا و الدولى غانم سلطان (منتخب اوليمبى ) و الدولى خالد سعد و الدولى كريم زكرى و الدولى احمد مجدى و الدولى محمد عبدالله و و و و و .. مين قال ان اللى جاب دول كلهم مسئول عن لعبهم او لا ؟؟
مش فى اجهزة فنية .
بصراحه احنا ظالمين عباس ضمن الباقى و كمان ظالمين مرسى عطا الله .
ببساطة كده انا عاوز اقول حاجات اتحلت فى عهد عباس و كانت مشاكل كبرى و هى مثلا

مشكلة الاوقاف بعد انفجارها فى عهد مرتضى تم حلها مع عباس
المستحقات المالية اسألوا اى حد فراش او زبال النادى او لعيب او موظف مفيش حد له قرش عند الزمالك .
العلاقة مع الهيئات الاخرى
مع الاندية المنافسة بعد ما باظت من فترة سابقة اعيدت من جديد و مع الاتحادات :: انتو نسيتوا ايقاف نشاط اليد بالزمالك ؟؟
احنا نفسنا نوقف المقارنات و لكن غصب عننا ده رئيس الزمالك و لازم نسانده حتى اخر وقت ليه فى المجلس و بعدها بكل احترام نقوله شكرا ليك و لو خسارة ندور على الاصلح و لو مكسب نجدد له الثقة .
اعتقد ان ده الطبيعى فى كل بلاد الدنيا و لكن احنا عاوزين عباس يجى و فى 5 شهور يكون فريق كورة و فى 5 شهور بعدها نكسب كل البطولات ؟؟
ارجعوا بالذاكرة شوية و افتكروا الاهلى رجع تانى لقوتة بعد قد ايه ؟؟
ارجعوا بالذاكرة و انتوا تعرفوا ان الزمالك لم يخسر مع عباس اسوأ من سابقية و يا ريت ندعمه يا جماعه ده فى النهاية رئيس الزمالك مش عدو لينا و بنحاربه ؟؟
ارجو ان يكون الناس وصلها اللى عاوز اقوله و متصنفش الجمهور ما بين عباسى و مرتضاوى احنا زمالكاوية و بس .

عباس نيته كويسه او وحشة جاب او ما جبشى لكنه مجرد مشجع مش خبير كروى
شوف لجنة الكورة فى الاهلى فيها مين من لاعبى الكورة
ياراجل فين الخبراء عندنا دة كلام عباس ممكن يكون امين صندوق نائب رئيس لكن معاه خبراء لانهم هم ال بيفهموا
الحكاية مش فلوس وبس
تقدر تقولى كرول قاعد بيعمل ايه؟؟؟ ايه ال أضافه للزمالك .. صبرنا عليه وانا اولهم ومواقفى تشهد بدة
لكن اقالة منصور وتعين حلمى دة قمة الهبل والتخلف وكرول قاعد والادهى بيفكروا يجيبوا رمزى
عشان تسود زيادة فى وشنا
الزمالك بينتهى ربنا يستر على القلعة البضاء

الزمالك محتاج ريس فاهم ازاى يدير النادى مش ناس عايزة تسترزق

معك حق في كل كلامك و يبدو ان كل من يتولى الزمالك يبحث عن مصلحته فقط ولا يبحث عن مصلحة الزمالك ككيان
يجب حقا ان يتولى الزمالك ناس عايزة تخدم الزمالك وتكون على علم بشؤن الادارة

ronny كتب:: عباس نيته كويسه او وحشة جاب او ما جبشى لكنه مجرد مشجع مش خبير كروى
شوف لجنة الكورة فى الاهلى فيها مين من لاعبى الكورة
ياراجل فين الخبراء عندنا دة كلام عباس ممكن يكون امين صندوق نائب رئيس لكن معاه خبراء لانهم هم ال بيفهموا
الحكاية مش فلوس وبس
تقدر تقولى كرول قاعد بيعمل ايه؟؟؟ ايه ال أضافه للزمالك .. صبرنا عليه وانا اولهم ومواقفى تشهد بدة
لكن اقالة منصور وتعين حلمى دة قمة الهبل والتخلف وكرول قاعد والادهى بيفكروا يجيبوا رمزى
عشان تسود زيادة فى وشنا
الزمالك بينتهى ربنا يستر على القلعة البضاء

اتفق مع نص كلامك واتفق مع نص كلام عبده
1- عباس رئيس النادى حاليا يجب دعمه الى اخر يوم فى رئاسته
2- نيته كويسه وده اللى متاكد منه بس النيه لوحدها مش كفايه
3- مكانه الصح امين صندوق
4- محمود سعد فعلا من انسب من يتولوا تدريب الفريق لانه بيحب النادى ورجل فاهم كوره
ورجل الصعاب ده حتى وهوا ماشى اخر مره مزعلش
قال انا ابن الزمالك وتحت امره فى اى وقت يبقى ده جزاء المخلصين ويكون مسئول عن الفريق وليس مدير للكوره يكون مدير فنى الى ان ياتى مدير فنى فى تقل ميشيل وليس هو ...... ويمسك معاه محمود سعد مدير كوره

احنا عايزين مصلحة الزمالك أى كان رئيسه مش معقول الزمالك يبقى فى الدورى بعد طلائع الجيش وبتروجيت دى فضيحة
فضيحة من الاخر كدة
والبهوات لازم يعملوا للزمالك أكتر من كدة يأما يورونا عرض كتافهم

ronny كتب:: احنا عايزين مصلحة الزمالك أى كان رئيسه مش معقول الزمالك يبقى فى الدورى بعد طلائع الجيش وبتروجيت دى فضيحة
فضيحة من الاخر كدة
والبهوات لازم يعملوا للزمالك أكتر من كدة يأما يورونا عرض كتافهم

بس احنا نعمل ايه ده واقع وبيحصل وهوا رئيس لنادى فعلا ايه العمل نحاربه ولا نستنى لغايه ما ربنا يرزقنا بحد ابن حلال
بس مش معنى كده ان نقعد نغير مديرين كوره وكلور باشا لسه قاعد لغاية ما هيمسح تاريخ النادى كله
والله انا بقيت حاسس انى بناقد نفسى
حسبى الله ونعم الوكيل

موضوع الادارة سوف تحسمه الانتخابات التي اصبحت علي الابواب
المهم الان ان نجد مجموعة جديدة خلاف الوجوه القديمة تستطيع تكون قائمة متناسقة و قادرة علي ادارة النادي السنوات القادمة

alaa_al_attar كتب:: موضوع الادارة سوف تحسمه الانتخابات التي اصبحت علي الابواب
المهم الان ان نجد مجموعة جديدة خلاف الوجوه القديمة تستطيع تكون قائمة متناسقة و قادرة علي ادارة النادي السنوات القادمة

طبعا نحن دائما مع الشرعية وان كنت اتمنى ان يقود الزمالك مجموعة جديدة من المخلصين بعد ان أثبتت جميع الوجوه السابقة فشلها التام
الف شكر يا استاذ علاء لمرورك
وارائك المتزنة التى تمثلالوسط المعتدل دون تطرف أو جنوح
وانا اقول الموقع منور ليه ؟؟ أتاريك معانا يا استاذنا
ربنا ما يحرمنا من آرائك cheers

امته نستقر ونستمر ونتقدم للامام بالفريق الهما م ونكون في المقدمه

من الاخر مايهمنيش مين موجود
انا عايز بطولات
انا مليت من التناحروالاختلاف حول الاشخاص فى كل المنتديات
الزمالك اولا واخيرا

medotwo كتب:: من الاخر مايهمنيش مين موجود
انا عايز بطولات
انا مليت من التناحروالاختلاف حول الاشخاص فى كل المنتديات
الزمالك اولا واخيرا

ان شاء الله هناخد الكاس وان شاء الله ننافس فى افريقيا ودى تكون البدايه ومين عارف ممكن كمان لو مشينا زى ما احنا ماشيين ناخدها احنا مش فرقه صغيره المهم الروح اللى موجوده تفضل موجوده