مهازل مفتعلة وأزمة أخلاق

لما الابن يمسك شومة ويضرب أبوه. ويلاقى أهله بيحيوه
والخيبان بيقول انا سوبر .. وبيتلكك لجل يمشوه
وناس بتقول والله عفارم .. ال جايين لسة يربوه
يبقى وداعا للاخلاق .ولضميركم قوموا عزوه!!!

لما اللاعب ينفذ خطة .. ويعمل انه ابن الحتة
وكل يوم يعمل أفلام .. جايله عقد معرفشى بكام
يسمع همسات الشياطين بعد كوهين ما كتب له روشتة
يبقى وداعا للحكماء وأهلا بتلاميذ الدكة

لما مدرب فاشل عامل ناظر مدرسة الاخلاق
واتعين من أجل اهداف ..وتفوقه عدة اسماء
لما يكون صفر كبير .. وفى عهده الفريق اشلاء
يبقى وداعا للبطولات.. وعودة عصر الحلاق

واما يكون لاعب من بيئة .. كل ماتش خارج بفضيحة
واتوسل يرجع للاحمر وقالها.. أنا أهلاوى واضحة صريحة
واحنا بنجرى ورا أوهامه ..والفاشل طايح بجنانه
ونقول يا جماعة لعيب !!.. يبقى محدش يفتح بقه ويقول للجهلى عيب !!!



ال فاكر ان الناس مش شايفينه.. وال بيبيع أهله ودينه
وال واضح زى الشمس .. فاكر أننا مش فاهمينه

وال نسى كلمات الحق .. علشان مسيى ورونالدينو
يبقى وداعا للعقلاء واهلا بمرضى النادى ومجانينه